З друку выйшаў кастрычніцкі выпуск «Бюлетэня Міністэрства працы і сацыяльнай абароны Рэспублікі Беларусь»

• «Актуальна»
• «Працоўны час»
• «Працоўныя адносіны»
• «Аплата працы»
• «Дзяржаўнае сацыяльнае страхаванне» і іншыя.

У кастрычніцкім выпуску «Бюлетэня» ўвазе чытачоў прадстаўлена шырокая падборка аўтарскіх матэрыялаў у фармаце «адказы на пытанні»: спецыялісты аналізуюць практычныя сітуацыі і прапануюць для іх свае рашэнні і адказы адразу пад чатырма рубрыкамі – «Працоўны час», «Працоўныя адносіны», «Аплата працы», «Дзяржаўнае сацыяльнае страхаванне». 

АКТУАЛЬНА 

«Задача дзяржавы – ствараць умовы, каб у сем'ях нараджаліся двое, трое і больш дзяцей»– інтэрв'ю з Міністрам працы і сацыяльнай абароны Рэспублікі Беларусь, у якім Ірына Анатольеўна Касцевіч расказвае аб дэмаграфічнай сітуацыі ў краіне і той дзяржаўнай падтрымцы, якая аказваецца сем'ям з дзецьмі.Актуальнасць гутаркі падкрэсліваецца адразу некалькімі святамі, якія маюць асаблівае значэнне для ўсіх беларусаў і адзначаюцца ў кастрычніку, – Днём маці (14 кастрычніка) і Днём бацькі (21 кастрычніка), аб'яднанымі ў Тыдзень бацькоўскага кахання. 

ПРАЦОЎНЫ ЧАС 

У артыкуле «Перанос працоўнага дня ў лістападзе: Міністэрства працы і сацыяльнай абароны тлумачыць, як працаваць і адпачываць» дзяржаўны рэгулятар у сферы арганізацыі працоўных адносін каментуе розныя сітуацыі, якія могуць узнікаць у сувязі з пераносам працоўнага дня 6 лістапада (панядзелак)на 11 лістапада (субота) у адпаведнасці з пастановай Савета Міністраў Рэспублікі Беларусь ад 1 лістапада 2022 г. № 739 «Аб пераносе працоўных дзён у 2023 годзе».

«Праца ў святочныя дні: арганізацыя працы і кампенсацыі» – артыкул, аўтар якога дае адказы на пытанні аб тым, як правільна арганізаваць і аплаціць працу работнікаў у святочныя дні, а таксама якія змены ў частцы працоўнага часу адбудуцца ў Працоўным кодэксе Рэспублікі Беларусьз 1 студзеня 2024 г. 

І, вядома, у свежым нумары «Бюлетэня» можна знайсці іншыя інфармацыйныя матэрыялы і паведамленні, у тым ліку «Стужку навін» і «Агляд нарматыўных прававых актаў», якія ўвабралі ў сябе цікавыя і карысныя навіны са сферы сацыяльна-працоўных адносін.